dil-e-sarshaar miraa chashm-e-siyah-mast tiri — Hadi Machlishahri

miraa vajud haqiqat miraa adam dhokaa
fanaa ki shakl mein sar-chashma-e-baqaa huun main

uThne ko to uThaa huun mahfil se tiri lekin
ab dil ko ye dhaDkaa hai jaaun to kidhar jaaun

ab vo piiri mein kahaan ahd-e-javaani ki umang
rang maujon kaa badal jaaataa hai saahil ke qarib

gham-e-dil ab kisi ke bas kaa nahin
kyaa davaa kyaa duaa kare koi

ghazab hai ye ehsaas vaarastagi kaa
ki tujh se bhi khud ko bari chaahtaa huun

lutf-e-jafaa isi mein hai yaad-e-jafaa na aae phir
tujh ko sitam kaa vaasta mujh ko miTaa ke bhuul jaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ishq karne ke baad bhi kuchh log
ye samajhte hain kuchh kiyaa hi nahin

ik rivaayat hai jo sadiyon se chali aati hai
ik taraf ishq hai aur ek taraf duniyaa hai

jab zulm hisaar banaataa hai to khauf ki sarhad banti hai
jab ishq hisaar banaataa hai zanjir se khushbu aati hai

kaun kahtaa hai mohabbat kaa safar hai aasaan
kuchh na kuchh to yahaan ilzaam saa rah jaataa hai