dekhaa jo khaa ke tiir kamin-gaah ki taraf — Hafeez Jalandhari

'hafiz' apni boli mohabbat ki boli
na urdu na hindi na hindostaani

iraade baandhtaa huun sochtaa huun toD detaa huun
kahin aisaa na ho jaae kahin aisaa na ho jaae

doston ko bhi mile dard ki daulat yaa rab
meraa apnaa hi bhalaa ho mujhe manzur nahin

vafaa jis se ki bevafaa ho gayaa
jise but banaayaa khudaa ho gayaa

ham hi mein thi na koi baat yaad na tum ko aa sake
tum ne hamein bhulaa diyaa ham na tumhein bhulaa sake

ai miri jaan apne ji ke sivaa
kaun teraa hai kaun meraa hai

jab ki pahlu se yaar uThtaa hai
dard be-ikhtiyaar uThtaa hai

haae izhaar kar ke pachhtaae
us ko ik dost ki zarurat thi

kuchh dost se ummid na andesha-e-dushman
hogaa vahi jo kuchh miri qismat mein likhaa hai

dushman se aise kaun bhalaa jiit paaegaa
jo dosti ke bhes mein chhup kar daghaa kare

na dekh mujh ko mohabbat ki aankh se ai dost
miraa vajud miraa muddaaa na ho jaae

pyaari surat vo haae kyaa hogi
jis ko be-dekhe pyaar aataa hai