inqalaab-e-subh ki kuchh kam nahin ye bhi dalil — Haneef Sajid

pattharon se kab talak baandhegi ummid-e-vafaa
zindagi dekhegi kab tak jaagti aankhon se khvaab

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bahut gadlaa thaa paani us nadi kaa
magar main apnaa chehra dekh aayaa

ishq kaa banda bhi huun kaafir bhi huun momin bhi huun
aap kaa dil jo gavaahi de vahi kah lijiye

kyaa tafarqe huaa jo hue yaar se alag
dil ham se aur ham hain dil-e-zaar se alag

jo ashk surkh hai naama-nigaar hai dil kaa
sukut-e-shab mein likhe jaa rahe hain afsaane