ai yaad-e-yaar dekh ki baa-vasf-e-ranj-e-hijr — Hasrat Mohani

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

raat din naama-o-paighaam kahaan tak doge
saaf kah dijiye milnaa hamein manzur nahin

'hasrat' bahut hai martaba-e-aashiqi buland
tujh ko to muft logon ne mashhur kar diyaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

ham kyaa karein agar na tiri aarzu karein
duniyaa mein aur bhi koi tere sivaa hai kyaa

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

jab ki pahlu se yaar uThtaa hai
dard be-ikhtiyaar uThtaa hai

jaa jo ik din mil gai pahlu mein shokhi dekhiyo
chuTkiyaan le le mein niilaa kar diyaa pahlu-e-dost

kucha-e-yaar se yaarab na uThaanaa ham ko
is bure haal mein bhi ham to yahin achchhe hain

pyaar se dushman ke vo aalam tiraa jaataa rahaa
aise lab chuse ki boson kaa mazaa jaataa rahaa

sabr bin aur kuchh na lo hamraah
kucha-e-ishq tang hai yaaro

main piir ho gayaa huun aur ab tak javaan hai dard
mere murid ho jo tumhein dostaan hai dard