raat din naama-o-paighaam kahaan tak doge — Hasrat Mohani

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

'hasrat' bahut hai martaba-e-aashiqi buland
tujh ko to muft logon ne mashhur kar diyaa

taasir-e-barq-e-husn jo un ke sukhan mein thi
ik larzish-e-khafi mire saare badan mein thi

ham kyaa karein agar na tiri aarzu karein
duniyaa mein aur bhi koi tere sivaa hai kyaa

barsaat ke aate hi tauba na rahi baaqi
baadal jo nazar aae badli meri niyat bhi

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

main ne din raat khudaa se ye duaa maangi thi
koi aahaT na ho dar par mire jab tu aae

gulaabon ki tarah shabnam mein apnaa dil bhigote hain
mohabbat karne vaale khubsurat log hote hain

rang ho raushni ho yaa khushbu
sab mein partav usi hasin ke hain