zahr zindagaani kaa pi ke aql aai hai — Jami Rudaulvi

bhiiD mein zamaane ki ham sadaa akele the
vo bhi duur hai kitnaa jo rag-e-gulu mein hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ye zindagi hai apni kabhi khush kabhi udaas
is kashmakash se mujh ko khudaayaa rihaai de

sair-e-bahaar-e-baagh se ham ko muaaf kijiye
us ke khayaal-e-zulf se 'dard' kise faraagh hai

zulfon mein to sadaa se ye kaj-adaaiyaan hain
aankhon ne par ye aur hi aankhein dikhaaiyaan hain