bhiiD mein zamaane ki ham sadaa akele the — Jami Rudaulvi

zahr zindagaani kaa pi ke aql aai hai
daaru-e-gham-e-hasti talkhi-e-subu mein hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

tu ne vahdat ko kar diyaa kasrat
kabhi tanhaa nazar nahin aataa

duniyaa se jaane vaalon ko raste mein gham nahin
sidhi saDak hai pher ki raah-e-adam nahin

is hi buniyaad par kyuun na mil jaaein ham
aap tanhaa bahut ham akele bahut