ik ajab haal hai ki ab us ko — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

mere khvaabon ke jharokon ko sajaate rahiye
na sahi vasl magar yaad to aate rahiye

jis ne buniyaad gulistaan ki kabhi Daali thi
us ko gulshan se guzarne nahin deti duniyaa

tum hamein yaad karo yaa na karo
ham tumhein yaad kiye jaate hain

ghanimat buujh levein mere dard-aalud naalon ko
ye divaana bahut yaad aaegaa shahri ghazaalon ko

taaaqub mein hai mere yaad kis ki
main kis ko bhuul jaanaa chaahtaa huun

ye kaisaa tanaaza hai ki faisal nahin hotaa
haq teraa ziyaada hai ki hukkaam kaa tere