main ab har shakhs se uktaa chukaa huun — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

kyaa kahaa ishq jaavedaani hai!
aakhiri baar mil rahi ho kyaa

bahut nazdik aati jaa rahi ho
bichhaDne kaa iraada kar liyaa kyaa

jab ki pahlu se yaar uThtaa hai
dard be-ikhtiyaar uThtaa hai

ham ajnabi hain aaj bhi apne dayaar mein
har shakhs puchhtaa hai yahi tum yahaan kahaan

hai shaam-e-avadh gesu-e-dildaar kaa partav
aur subh-e-banaras hai rukh-e-yaar kaa partav

zalzala nepal mein aayaa ki hindostaan mein
zalzale ke naam se tharraa uThaa saaraa jahaan

aisaa na ho ki dosti bhi jaae haath se
ham haath mein gulaab liye sochte rahe

ham 'jaun-eliyaa' ke zamaane mein dosto
'ghaalib' kaa intikhaab liye sochte rahe