bahut nazdik aati jaa rahi ho — Jaun Elia

bin tumhaare kabhi nahin aai
kyaa miri niind bhi tumhaari hai

ek qattaala chaahiye ham ko
ham ye ealaan-e-aam kar rahe hain

chaand ne taan li hai chaadar-e-abr
ab vo kapDe badal rahi hogi

ham ajab hain ki us ki baahon mein
shikva-e-naarasaai karte hain

us ke honThon pe rakh ke honTh apne
baat hi ham tamaam kar rahe hain

dil ki taklif kam nahin karte
ab koi shikva ham nahin karte

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

saadgi o purkaari be-khudi o hushyaari
husn ko taghaaful mein jurat-aazmaa paayaa

dil ko niyaaz-e-hasrat-e-didaar kar chuke
dekhaa to ham mein taaqat-e-didaar bhi nahin

aaj phir mujh se kahaa dariyaa ne
kyaa iraada hai bahaa le jaaun

khush hote hain ham log agar koi hasina
is umr ham par koi tohmat hi lagaae

taab-o-taaqat rahe kyaa khaak ki aazaa ke taiin
haakim-e-zoaf se farmaan-e-taghiri aayaa