aaj apne bhi paraae se nazar aate hain — Javed Vashisht

muddat se rahi farsh tiri raahguzar mein
tab jaa ke sitaaron se kahin aankh laDi hai

kaanTon pe chale hain to kahin phuul khile hain
phulon se mile hain to baDi choT lagi hai

ye to vaqt vaqt ki baat hai hamein un se koi gila nahin
vo hon aaj ham se khafaa khafaa kabhu ham se un ko bhi pyaar thaa

dard ki aanch banaa deti hai dil ko iksir
dard se dil hai agar dard nahin dil bhi nahin

gham se ehsaas kaa aaina jilaa paataa hai
aur gham sikhe hai aa kar ye saliqa mujh se

aankh uThaao to hijaabaat kaa ik aalam hai
dil se dekho to koi raah mein haail bhi nahin

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

thaa muqaddam ishq-e-but islaam par tifli mein bhi
yaa sanam kah kar paDhaa maktab mein bismillaah ko

ishq kuchh aap pe mauquf nahin khush rahiye
ek se ek zamaane mein tarahdaar bahut

rindaan-e-ishq chhuT gae mazhab ki qaid se
ghanTa rahaa gale mein na zunnaar rah gayaa

ik shahanshaah ne daulat kaa sahaaraa le kar
ham gharibon ki mohabbat kaa uDaayaa hai mazaaq