kabhi aisaa bhi hove hai rote rote — Kaleem Aajiz

gham hai to koi lutf nahin bistar-e-gul par
ji khush hai to kaanTon pe bhi aaraam bahut hai

ye tarz-e-khaas hai koi kahaan se laaegaa
jo ham kaheinge kisi se kahaa na jaaegaa

mausam-e-gul hamein jab yaad aayaa
jitnaa gham bhule the sab yaad aayaa

haan kuchh bhi to derina mohabbat kaa bharam rakh
dil se na aa duniyaa ko dikhaane ke liye aa

unhin ke giit zamaane mein gaae jaaeinge
jo choT khaaeinge aur muskuraae jaaeinge

ye aansu be-sabab jaari nahin hai
mujhe rone ki bimaari nahin hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

yahi jaanaa ki kuchh na jaanaa haae
so bhi ik umr mein huaa maalum

taDap jaataa huun jab bijli chamakti dekh letaa huun
ki is se miltaa-jultaa saa kisi kaa muskuraanaa hai

chalun to maslahat ye kah ke paanv thaam leti hai
vahaan jaanaa bhi kyaa haasil jahaan se kuchh nahin hotaa