fareb khaae na kyuun kar kisi kaa saada dil — Kaleem Ahmadabadi

gham natija hai khushi ki intihaa kaa ai 'kalim'
dil ki ik ik mauj mauj-e-shaadmaani ho to kyaa

jaane kyaa bhar di hain us ne is chaman mein shokhiyaan
jo bhi aayaa vo chaman kaa raaz-daan bantaa gayaa

tumhin bataao ki is dil kaa kyaa kiyaa jaae
jo choT khaa ke bhi choTon se aashnaa na huaa

sitaare toD liye ham ne zuhd-o-taqvaa ke
magar jo haqq-e-ibaadat thaa vo adaa na huaa

ham to baiThe hi rahe apni asiri ko liye
banne vaalaa kaam be-vahm-o-gumaan bantaa gayaa

sard aahon kaa tasarruf ho to soz-e-dil kahaan
dil se jo shoala uThaa vo bhi dhuaan bantaa gayaa

chupke se sah rahaa huun sitam tere bevafaa
meri khataa to jab ho ki chuun kar rahaa huun main

fareb-e-saaqi-e-mahfil na puchhiye 'majruh'
sharaab ek hai badle hue hain paimaane

umr bhar us ne bevafaai ki
umr se bhi vo baa-vafaa na rahaa

dekh saktaa huun binaa chashme ke main
dost teri bevafaai saaf saaf

tu bevafaa hai tiraa e'tibaar kaun kare
tamaam umr tiraa intizaar kaun kare

har dil-fareb chiiz nazar kaa ghubaar hai
aankhein hasin hon to khizaan bhi bahaar hai