aap daaman ko sitaaron se sajaae rakhiye — Kamil Bahzadi

taalluq hai na ab tark-e-taalluq
khudaa jaane ye kaisi dushmani hai

aakaash ki hasin fazaaon mein kho gayaa
main is qadar uDaa ki khalaaon mein kho gayaa

is qadar main ne sulagte hue ghar dekhe hain
ab to chubhne lage aankhon mein ujaale mujh ko

log bhopal ki taarif kiyaa karte hain
is nagar mein to tire ghar ke sivaa kuchh bhi nahin

kyaa tire shahr ke insaan hain patthar ki tarah
koi naghma koi paayal koi jhankaar nahin

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

ham to raat kaa matlab samjhein khvaab, sitaare, chaand, charaagh
aage kaa ahvaal vo jaane jis ne raat guzaari ho

ye sach hai meri sadaa ne raushan kiye hain mehraab par sitaare
magar miri be-qaraar aankhon ne aaine kaa ziyaan kiyaa hai

chale the jis ki taraf vo nishaan khatm huaa
safar adhuraa rahaa aasmaan khatm huaa

aasmaanon ke khule baab kise dikhte hain
chashm-e-pur-aab ke girdaab kise dikhte hain