dard-e-dil ke vaaste paidaa kiyaa insaan ko — Khwaja Meer Dard

ne gul ko hai sabaat na ham ko hai e'tibaar
kis baat par chaman havas-e-rang-o-bu karein

tujhi ko jo yaan jalva-farmaa na dekhaa
baraabar hai duniyaa ko dekhaa na dekhaa

baagh-e-jahaan ke gul hain yaa khaar hain to ham hain
gar yaar hain to ham hain aghyaar hain to ham hain

aankhein bhi haae nazaa mein apni badal gaiin
sach hai ki bekasi mein koi aashnaa nahin

yak-ba-yak naam le uThaa meraa
ji mein kyaa us ke aa gayaa hogaa

saaqi mire bhi dil ki taraf Tuk nigaah kar
lab-tishna teri bazm mein ye jaam rah gayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

aansu falak ki aankh se Tapke tamaam raat
aur subh tak zamin kaa aanchal bhigo gae

anjaam khushi kaa duniyaa mein sach kahte ho gham hotaa hai
saabit hai gul aur shabnam se jo hanstaa hai vo rotaa hai

Hazaaron khwahishein aisi ke har khwahish pe dam nikle
Bahut nikle mere armaan, lekin phir bhi kam nikle