kal siyaasat mein bhi mohabbat thi — Khwaja Sajid

kaun kitnaa zabt kar sakta hai karb-e-hijr ko
rail jab chalne lagegi faisla ho jaaegaa

saare jazbon ke baandh TuuT gae
us ne bas ye kahaa ijaazat hai

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

sabhi se jab mohabbat chaahte ho
mohabbat kyon nahin karte sabhi se

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

sau fasaad ek ishq mein uTThe
boyaa ik tukhm uge hazaar darakht