nahin maalum ai yaaro 'sabaa' ke dil mein kyaa aayaa — Lala Kanji Mal Saba

kyaa tu ne kuchh 'sabaa' se ai tund-khu kahaa hai
rotaa huaa idhar se baa-chashm-e-tar gayaa hai

'sabaa' ham ne to hargiz kuchh na dekhaa jazb-e-ulfat mein
ghalat ye baat kahte hain ki dil ko raah hai dil se

naaseh nasihatein ye kahaan yaad rahti hain
hazrat abhi kisi se tabiat lagi nahin

bhaTkaa phire hai majnun lailaa ke qaafile mein
ye puchhtaa ki yaaro mahmil kidhar gayaa hai

jab ki pahlu se yaar uThtaa hai
dard be-ikhtiyaar uThtaa hai

jo chaahtaa hai ki ban jaae vo baDaa shaaer
vo jaa ke dosti gaanThe kisi mudir ke saath

ghash khaa ke 'daagh' yaar ke qadmon pe gir paDaa
behosh ne bhi kaam kiyaa hoshiyaar kaa

sahraa pe buraa vaqt mire yaar paDaa hai
divaana kai roz se bimaar paDaa hai

bahan kaa pyaar maan ki maamtaa do chikhti aankhein
yahi tohfe the vo jin ko main aksar yaad kartaa thaa

ho liye jis ke ho liye 'bekhud'
yaar apnaa to ye hisaab rahaa