naaseh nasihatein ye kahaan yaad rahti hain — Lala Kanji Mal Saba

kyaa tu ne kuchh 'sabaa' se ai tund-khu kahaa hai
rotaa huaa idhar se baa-chashm-e-tar gayaa hai

nahin maalum ai yaaro 'sabaa' ke dil mein kyaa aayaa
abhi jo baiThe baiThe vo yakaayak aah kar uTThaa

'sabaa' ham ne to hargiz kuchh na dekhaa jazb-e-ulfat mein
ghalat ye baat kahte hain ki dil ko raah hai dil se

bhaTkaa phire hai majnun lailaa ke qaafile mein
ye puchhtaa ki yaaro mahmil kidhar gayaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ik vahi shakhs mujh ko yaad rahaa
jis ko samjhaa thaa bhuul jaaungaa

kam-ayaari ne khudaa-soz banaayaa aisaa
but to sab yaad rahe ek khudaa bhuul gae

kabhi kabhi tu mujhe yaad kar to leti hai
sukun itnaa saa kaafi hai zindagi ke liye

miTTi pe numudaar hain paani ke zakhire
in mein koi aurat se ziyaada nahin gahraa