ishq ke ghaaT par sanbhal kar chaDh — Lutfunnisa Imtiyaz

junun ke shaah ne jab se liyaa hai qila-e-dil ko
ye mulk-e-aql viraan ho gayaa kis kis kharaabi se

pand se naaseh ke dozakh kaa mujhe kuchh khauf naiin
maghfirat be-shak hui jis kaa ali vaali huaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

gham-gusaari pyaar hamdardi vafaa
ye dukaanein shahr ke baahar lagaa

mujhe pata hai mohabbat mein kyaa guzarti hai
so tujh se ishq nahin tujh se dosti karungaa

mohabbat kaa mazaa hotaa hai shaadi ke iraade tak
phir is ke baa'd jo hotaa hai sab be-kaar hotaa hai