saae ki tamannaa mein jahaan baiTh gayaa huun — Machis Lakhnavi

vaaiz ne mujh mein dekhi hai imaan ki kami
vaaiz mein sirf dum ki kasar dekhtaa huun main

DhunDiye khair se jaa kar koi moTi sasuraal
haath jo muft mein aae to vo maal achchhaa hai

hukm begam ke chalaa karte hain jelar ki tarah
ab miraa ghar bhi mujhe jail huaa jaataa hai

aur to kuchh bhi nahin hazrat-e-'maachis' lekin
aap mein aag lagaane kaa kamaal achchhaa hai

buton par main agar maail huun vo huron pe maail hain
janaab-e-shaikh mein bhi ye himaaqat paai jaati hai

nazm-e-jahaan ko zer-o-zabar dekhtaa huun main
maada ke ikhtiyaar mein nar dekhtaa huun main

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

kisi ke harf-e-tamannaa ki intihaa huun main
kisi ke harf-e-duaa ne miri hifaazat ki

dil ho raushan to charaaghon ki numaaish kaisi
chaand utre mire siine mein to khvaahish kaisi

vo bhi hai ik maqaam-e-ishq jahaan
har tamannaa gunaah hoti hai

nazaa mein us ne is andaaz se dekhaa mujh ko
marte marte hui jiine ki tamannaa mujh ko