abhi sar kaa lahu thamne na paayaa — Mahshar Badayuni

main itni raushni phailaa chukaa huun
ki bujh bhi jaaun to ab gham nahin hai

ham ko bhi khush-numaa nazar aai hai zindagi
jaise saraab duur se dariyaa dikhaai de

ab havaaein hi kareingi raushni kaa faisla
jis diye mein jaan hogi vo diyaa rah jaaegaa

jis ke liye bachcha royaa thaa aur ponchhe the aansu baabaa ne
vo bachcha ab bhi zinda hai vo mahngaa khilaunaa TuuT gayaa

har patti bojhal ho ke giri sab shaakhein jhuk kar TuuT gaiin
us baarish hi se fasl ujDi jis baarish se tayyaar hui

kare dariyaa na pul mismaar mere
abhi kuchh log hain us paar mere