sahaaraa na deti agar mauj-e-tufaan — Makeen Ahsan Kaleem

do tund havaaon par buniyaad hai tufaan ki
yaa tum na hasin hote yaa mein na javaan hotaa

hai mohabbat aisi bandhi girah jo na ek haath se khul sake
koi ahd toDe kare daghaa miraa farz hai ki vafaa karun

hamaari naakaami-e-vafaa ne zamaane ki khol di hain aankhein
charaagh kab kaa bujhaa paDaa hai magar andheraa kahin nahin hai

vafaa ke naam par pairaa kiye kachche ghaDe le kar
Duboyaa zindagi ko daastaan-dar-daastaan ham ne

aashiqi mein bahut zaruri hai
bevafaai kabhi kabhi karnaa

vafaa kareinge nibaaheinge baat maaneinge
tumhein bhi yaad hai kuchh ye kalaam kis kaa thaa