aashiqi mein bahut zaruri hai — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

ye meri tira-nasibi ye saadgi ye fareb
giri jo barq main samjhaa charaagh-e-khaana milaa

is qadar musalsal thiin shiddatein judaai ki
aaj pahli baar us se main ne bevafaai ki

ik baar agar qafas ki havaa raas aa gai
ai khud-fareb phir havas-e-baal-o-par kahaan

ba-qadr-e-paimaana-e-takhayyul surur har dil mein hai khudi kaa
agar na ho ye fareb-e-paiham to dam nikal jaae aadmi kaa

be-vafaa hi sahi zamaane mein
ham kisi fan ki intihaa to hue

saalik hai garche sair-e-maqaamaat-e-dil-fareb
jo ruk gae yahaan vo maqaam-e-khatar mein hain