kise apnaa banaaein koi is qaabil nahin miltaa — Makhmoor Dehlvi

mohabbat bad-gumaan ho jaae to zinda nahin rahti
asar dil par tumhaari be-rukhi se kuchh nahin hotaa

mohabbat ke liye kuchh khaas dil makhsus hote hain
ye vo naghma hai jo har saaz par gaayaa nahin jaataa

mohabbat ho to jaati hai mohabbat ki nahin jaati
ye shoala khud bhaDak uThtaa hai bhaDkaayaa nahin jaataa

musaafir apni manzil par pahunch kar chain paate hain
vo maujein sar paTakti hain jinhein saahil nahin miltaa

chaman tum se ibaarat hai bahaarein tum se zinda hain
tumhaare saamne phulon se murjhaayaa nahin jaataa

jinhein ab gardish-e-aflaak paidaa kar nahin sakti
kuchh aisi hastiyaan bhi dafn hain gor-e-gharibaan mein

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

vasl huaa par dil mein tamannaa
jaisi thi vaisi rakkhi hai

tiir us kaa jo kare dil ke nishaane ko khataa
khud uThaa laataa huun marne ki tamannaa dekho

naaseh ki nasihat se hai zid aur bhi dil ko
suntaa nahin hoshyaar ki divaana hamaaraa