ashk-e-gham dida-e-pur-nam se sambhaale na gae — Meer Anees

khaak se hai khaak ko ulfat taDaptaa huun 'anis'
karbalaa ke vaaste main karbalaa mere liye

'anis' dam kaa bharosaa nahin Thahar jaao
charaagh le ke kahaan saamne havaa ke chale

aashiq ko dekhte hain dupaTTe ko taan kar
dete hain ham ko sharbat-e-didaar chhaan kar

tamaam umr jo ki ham se be-rukhi sab ne
kafan mein ham bhi azizon se munh chhupaa ke chale

'anis' aasaan nahin aabaad karnaa ghar mohabbat kaa
ye un kaa kaam hai jo zindagi barbaad karte hain

sivaae khaak ke baaqi asar nishaan se na the
zamin se dab gae dabte jo aasmaan se na the

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil ke aaine ki ham lete hain tab hai hai khabar
is pe jab do do vajab ye zang-e-gham chaDh jaae hai

iisaa kabhi na jaate lekin tumhaare gham mein
vo bhi to mar rahe hain jo aasmaan par hain

basti mein bhi kuchh aise andhere hain jahaan par
jhulse hue jismon kaa shabistaan hain saDkein