tumhaare husn ko kab tak varaq varaq paDhte — Mehshar Afridi

zamin par ghar banaayaa hai magar jannat mein rahte hain
hamaari khush-nasibi hai ki ham bhaarat mein rahte hain

'aql aur 'ishq laDte rahe der tak
'aql maari gai 'ishq zinda rahaa

vo kuchh ghalat nahin thaa hamin bevaquf the
shishe ko saaf karte rahe is taraf se ham

jab tumhaari ye maatami aankhein
muskuraati hain shor thamtaa hai

visaal-e-yaar furqaton ki rut badal nahin rahaa
badan qaraar paa gayaa hai dil sanbhal nahin rahaa

zaraa baahon ke halqe aur kas lo
mohabbat saans lenaa chaahti hai

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

tamaam raat nahaayaa thaa shahr baarish mein
vo rang utar hi gae jo utarne vaale the

donon zaalim hain farq itnaa hai
aasmaan piir hai javaan tu hai