goyaa tumhaari yaad hi meraa ilaaj hai — Agha Hashr Kashmiri

sab kuchh khudaa se maang liyaa tujh ko maang kar
uThte nahin hain haath mire is duaa ke baad

hashr mein insaaf hogaa bas yahi sunte raho
kuchh yahaan hotaa rahaa hai kuchh vahaan ho jaaegaa

go havaa-e-gulsitaan ne mire dil ki laaj rakh li
vo naqaab khud uThaate to kuchh aur baat hoti

go haram ke raaste se vo pahunch gae khudaa tak
tiri rahguzar se jaate to kuchh aur baat hoti

ek dhundlaa saa tasavvur hai ki dil bhi thaa yahaan
ab to siine mein faqat ik Tiis si paataa huun main

tum aur fareb khaao bayaan-e-raqib se
tum se to kam gila hai ziyaada nasib se

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

hain yaadgaar-e-aalam-e-faani ye donon chiiz
us ki jafaa aur apni vafaa likh rakheinge ham

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

aati hai yaad subh-e-masarrat ki baar baar
khurshid aate aate use kal uThaa to laa

buton ke saath li di si jo yaad-allaah baaqi hai
to kyaa shaikh-e-haram tere liye main chhoD duun vo bhi