ham na kahte the ki naqsh us kā nahīñ naqqāsh sahl — Mir Taqi Mir

mat sahl hameñ jaano phirtā hai falak barsoñ
tab ḳhaak ke parde se insān nikalte haiñ

dil se shauq-e-ruḳh-e-nikū na gayā
jhāñknā-tāknā kabhū na gayā

shaam se kuchh bujhā sā rahtā huuñ
dil huā hai charāġh muflis kā

be-ḳhudī le ga.ī kahāñ ham ko
der se intizār hai apnā

kitnī bāteñ banā ke lā.ūñ lek
yaad rahtīñ tire huzūr nahīñ

bevafā.ī pe terī jī hai fidā
qahr hotā jo bā-vafā hotā

justujū kho.e huoñ kī umr bhar karte rahe
chāñd ke hamrāh ham har shab safar karte rahe

bachchoñ ke chhoTe hāthoñ ko chāñd sitāre chhūne do
chaar kitābeñ paḌh kar ye bhī ham jaise ho jā.eñge

''aap kī yaad aatī rahī raat bhar''
chāñdnī dil dukhātī rahī raat bhar

na itnā zulm kar ai chāñdnī bahr-e-ḳhudā chhup jā
tujhe dekhe se yaad aatā hai mujh ko māhtāb apnā

yaqīn chāñd pe sūraj meñ e'tibār bhī rakh
magar nigāh meñ thoḌā sā intizār bhī rakh

supurd kar ke use chāñdnī ke hāthoñ meñ
maiñ apne ghar ke añdheroñ ko lauT ā.ūñgī