nāhaq ham majbūroñ par ye tohmat hai muḳhtārī kī — Mir Taqi Mir

mat sahl hameñ jaano phirtā hai falak barsoñ
tab ḳhaak ke parde se insān nikalte haiñ

kitnī bāteñ banā ke lā.ūñ lek
yaad rahtīñ tire huzūr nahīñ

shaam se kuchh bujhā sā rahtā huuñ
dil huā hai charāġh muflis kā

be-ḳhudī le ga.ī kahāñ ham ko
der se intizār hai apnā

dil se shauq-e-ruḳh-e-nikū na gayā
jhāñknā-tāknā kabhū na gayā

bevafā.ī pe terī jī hai fidā
qahr hotā jo bā-vafā hotā

zindagī phailī huī thī shām-e-hijrāñ kī tarah
kis ko itnā hausla thā kaun jī kar dekhtā

subūt-e-ishq kī ye bhī to ek sūrat hai
ki jis se pyaar kareñ us pe tohmateñ bhī dhareñ

tū mohabbat se koī chaal to chal
haar jaane kā hausla hai mujhe

jazba-e-be-iḳhtiyār-e-shauq dekhā chāhiye
sīna-e-shamshīr se bāhar hai dam shamshīr kā

hausla kis meñ hai yūsuf kī ḳharīdārī kā
ab to mahñgā.ī ke charche haiñ zuleḳhāoñ meñ

har ek baat ko chup-chāp kyuuñ sunā jaa.e
kabhī to hausla kar ke nahīñ kahā jaa.e