har ek baat ko chup-chaap kyuun sunaa jaae — Nida Fazli

chup chup makaan raaste gum-sum niDhaal vaqt
is shahr ke liye koi divaanaa chaahiye

bachchon ke chhoTe haathon ko chaand sitaare chhune do
chaar kitaabein paDh kar ye bhi ham jaise ho jaaeinge

bahut mushkil hai banjaara-mizaaji
saliqa chaahiye aavaargi mein

kabhi kisi ko mukammal jahaan nahin miltaa
kahin zamin kahin aasmaan nahin miltaa

kahtaa hai koi kuchh to samajhtaa hai koi kuchh
lafzon se judaa ho gae lafzon ke maaani

yuun to qadam qadam pe hai divaar saamne
koi na ho to khud se ulajh jaanaa chaahiye

aziiz gar thaa ta'alluq to kis liye toDaa
jab ikhtilaaf kiyaa to mufaahamat kaisi

har taraf hain khaana-barbaadi ke manzar be-shumaar
kuchh Thikaana hai bhalaa is jazba-e-taamir kaa

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

didaar-e-zul-jalaal pe aamaada ho gayaa
kyaa hausla nigaah-e-dil-e-naa-tavaan kaa thaa

'alvi' khvaahish bhi thi baanjh
jazba bhi naa-mard milaa

kaam kyaa hai pa nahin chaahti himmat hargiz
ghair ke ghar se diyaa kijiye raushan apnaa