ishq mein kuudo agar shauq hai marne kaa bahut — Mohammad Aazam

kuchh chhalaktaa hai kuchh bikhartaa hai
sab mile to bhi sab nahin miltaa

aati jaati hai vo ab saans ki surat mujh mein
kab gai aur kab aai mujhe maalum nahin

aankhon mein us ki main ne aakhir malaal dekhaa
kin kin bulandiyon par apnaa zavaal dekhaa

aasmaanon mein uDaa karte hain phule phule
halke logon ke baDe kaam havaa karti hai

kam maarka-e-zist nahin jang-e-uhad se
asbaab-e-jahaan maal-e-ghanimat ki tarah hai

hamaare dil ko ab taaqat nahin sadme uThaane ki
bahut bhaane lage jo us se milnaa chhoD dete hain

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

saamne us ke na kahte magar ab kahte hain
lazzat-e-ishq gai ghair ke mar jaane se

jaante hain ham mohabbat-aazmaai ho chuki
aao lag jaao gale bas ab laDaai ho chuki

siine mein dil hai dil mein daagh daagh mein soz-o-saaz-e-ishq
parda-ba-parda hai nihaan parda-nashin kaa raaz-e-ishq

ishq hai ahd-e-javaani ke liye
ahd-e-piri ke taqaaze aur hain