dil TuuTaa to 'mit' samajh mein ye aayaa — Amit Sharma Meet

sach kahne kaa aakhir ye anjaam huaa
saari basti mein main hi badnaam huaa

december ki sardi hai us ke hi jaisi
zaraa saa jo chhu le badan kaanptaa hai

raat-bhar khvaab mein jalnaa bhi ik bimaari hai
ishq ki aag se bachne mein samajhdaari hai

raat bechain si sardi mein ThiThurti hai bahut
din bhi har roz sulagtaa hai tiri yaadon se

puraani dekh kar tasvir teri
nayaa har din guzartaa jaa rahaa hai

hamaaraa hijr bhi ab masala ban
zamaane mein uchhaltaa jaa rahaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'ishq mein intihaa ki had na hui
'aashiqi teri mustanad na hui

mohabbat phuul banne par lagi thi
palaT kar phir kali kar li hai main ne

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye