ummid-e-vafaa ke pesh-e-nazar main un ki jafaaein bhuul gayaa — Amjad Najmi

zulf-e-mushkin thi mehrbaan kis ki
bu basi hai dimaagh mein ab tak

bachhDaa huaa jaise koi milte hi lipaT jaae
yuun tiir tiraa aa ke lipaTtaa hai jigar se

vafaa ki aaD mein kyaa kyaa hui jafaa ham par
jo dosti yahi Thahri to dushmani kyaa hai

kis ghalat-fahmi mein apni umr saari kaT gai
ik vafaa-naa-aashnaa ko baa-vafaa samjhaa thaa main

jab dil hi nahin hai pahlu mein phir ishq kaa saudaa kaun kare
ab un se mohabbat kaun kare ab un ki tamannaa kaun kare

na duniyaa baais-e-ghaflat na uqbaa vajh-e-hushyaari
rahe jo tujh se ghaafil ham use ghaafil samajhte hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

pyaaso raho na dasht mein baarish ke muntazir
maaro zamin pe paanv ki paani nikal paDe

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi