kyaa milaa arz-e-muddaaa kar ke — Momin Khan Momin

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

kuchh qafas mein in dinon lagtaa hai ji
aashiyaan apnaa huaa barbaad kyaa

shab jo masjid mein jaa phanse 'momin'
raat kaaTi khudaa khudaa kar ke

tu kahaan jaaegi kuchh apnaa Thikaana kar le
ham to kal khvaab-e-adam mein shab-e-hijraan honge

na maanungaa nasihat par na suntaa main to kyaa kartaa
ki har har baat mein naaseh tumhaaraa naam letaa thaa

tum hamaare kisi tarah na hue
varna duniyaa mein kyaa nahin hotaa

dard aur dard bhi judaai kaa
aise bimaar ki duaa kab tak

du'aa hai ye raqib bhi miri tarah hi khvaar ho
main chaahtaa huun aap ki raqib se bani rahe

du'aaein maan ki pahunchaane ko milon-mil jaati hain
ki jab pardes jaane ke liye beTaa nikaltaa hai

duaaein kijiye ghunchon ke muskuraane ki
abhi umiid hai baaqi bahaar aane ki

ham sab ki jo duaa thi use sun liyaa gayaa
phulon ki tarah aap ko bhi chun liyaa gayaa

labon pe us ke kabhi bad-du'aa nahin hoti
bas ek maan hai jo mujh se khafaa nahin hoti