ham sab ki jo duaa thi use sun liyaa gayaa — Munawwar Rana

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

kuchh nahin hogaa to aanchal mein chhupaa legi mujhe
maan kabhi sar pe khuli chhat nahin rahne degi

ab aap ki marzi hai sambhaalein na sambhaalein
khushbu ki tarah aap ke rumaal mein ham hain

kuchh bikhri hui yaadon ke qisse bhi bahut the
kuchh us ne bhi baalon ko khulaa chhoD diyaa thaa

jab bhi kashti miri sailaab mein aa jaati hai
maan duaa karti hui khvaab mein aa jaati hai

miTTi kaa badan kar diyaa miTTi ke havaale
miTTi ko kahin taaj-mahal mein nahin rakkhaa

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

abr barse to inaayat us ki
shaakh to sirf duaa karti hai

du'aa hai ye raqib bhi miri tarah hi khvaar ho
main chaahtaa huun aap ki raqib se bani rahe

phir se vo lauT kar nahin aayaa
phir duaa mein asar nahin aayaa