mar gai band lifaafe mein mohabbat meri — M.S Mahawar

tujhe itnaa to dekhaa bhi nahin hai
tujhe ham yaad jitnaa kar rahe hain

vasl ke din gine hain ungli par
hijr kaa koi bhi hisaab nahin

chun liyaa hai tumhein miraa mahbub
dusraa koi intikhaab nahin

kyaa karein bolti in aankhon kaa
haal dil kaa chhupaa nahin sakte

hijr kaa dukh nahin rahaa hamein ab
hai ye dukh ab koi azaab nahin

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

paa-e-sanam hai aur jabin-e-haram-navaaz
rasm-o-rivaaj-e-shahr-e-mohabbat na puchhiye

badan malbus mein shoala saa ik larzaan qarin-e-jaan
dil-e-khaashaak bhi shoala huaa jaltaa rahaa main bhi

Thukraao ab ki pyaar karo main nashe mein huun
jo chaaho mere yaar karo main nashe mein huun