shukr hai jaama se baahar vo huaa ghusse mein — Muneer Shikohabadi

khuub taazir-e-gunaah-e-ishq hai
naqd-e-jaan lenaa yahaan jurmaana hai

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

jis roz main gintaa huun tire aane ki ghaDiyaan
suraj ko banaa deti hai sone ki ghaDi baat

haath milvaate ho tarsaae gilauri ke liye
kaf-e-afsos na mal jaae kahin paanv mein

jab kabhi maski kaTori kyaa sadaa paidaa hui
karti hai angiyaa ki chiDiyaa chahchahaane ki havas

ho gayaa maamur aalam jab kiyaa darbaar-e-aam
takhliya chaahaa to duniyaa saaf khaali ho gai

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

'khumaar' aise safar mein aankh chhin jaati to achchhaa thaa
kahin shaakhon kaa saudaa aur kahin dekhaa shajar luTtaa

zindagaani ke hasin shahr mein aa kar 'jaami'
zindagaani se kahin haath milaae bhi nahin

tiraa bakhshaa huaa ik zakhm pyaare
chali ThanDi havaa jalne lagaa hai

masihaa maan baiThaa hai vo khud ko
use kuchh zakhm kyaa dikhlaa diye hain