pairahan luuTe maze teri ham-aaghoshi ke — Mushafi Ghulam Hamdani

is havaa mein kar rahe hain ham tiraa hi intizaar
aa kahin jaldi se saaqi shisha o saaghar samet

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

kuchh TuuTe phaTe siine ko saath apne safar mein
kyaa vo bhi musaafir jo na rakkhe sui taagaa

misr ko chhoD ke aai hai jo hindustaan mein
mere yusuf ki zulekhaa tu kharidaar hai kyaa

'mushafi' karb-o-balaa kaa safar aasaan nahin
sainkaDon basra-o-baghdaad mein mar jaate hain

mahrum hai naama-daar-e-duniyaa
paani se tihi habaab dekhaa

aastin-e-mauj dariyaa se judaa hoti nahin
rabt teraa chashm se kyuun aastin jaataa rahaa

vo mujh se puchhte hain ki rote ho kis liye
dariyaa ko de ye qatra-e-naachiz kyaa javaab

husn-e-aaraasta qudrat kaa atiyya hai magar
kyaa miraa ishq-e-jigar-soz khudaa-daad nahin

tah mein dariyaa-e-mohabbat ke thi kyaa chiiz 'aziz'
jo koi Duub gayaa us ko ubharne na diyaa

khaama-e-qudrat ne dil kaa naam ye kah kar likhaa
har jagah is lafz ke maani badalte jaaeinge

uThte joban pe khil paDe gesu
aa ke jogi base pahaaDon mein