na kaho ye ki yaar jaataa hai — Mustafa Khan Yakrang

jigar kisi kaa jale dil jale dimaagh jale
vo kah gae hain ki aaeinge ham charaagh jale

kyaa jaaniye ki vasl tiraa kis ko ho nasib
ham to tire firaaq mein ai yaar mar gae

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

jo ghair the vo isi baat par hamaare hue
ki ham se dost bahut be-khabar hamaare hue

jab ki pahlu se yaar uThtaa hai
dard be-ikhtiyaar uThtaa hai

naslein vahshi ho jaati hain yaar hifaazat karne mein
khush hone ki baat nahin hai sahraa ki sultaani par