mere daaman mein agar kuchh na rahegaa baaqi — Muzaffar Razmi

ye jabr bhi dekhaa hai taarikh ki nazron ne
lamhon ne khataa ki thi sadiyon ne sazaa paai

khud pukaaregi jo manzil to Thahar jaaungaa
varna khuddaar musaafir huun guzar jaaungaa

mere maahaul mein har samt bure log nahin
kuchh bhale bhi mire hamraah chale aate hain

is raaz ko kyaa jaanein saahil ke tamaashaai
ham Duub ke samjhe hain dariyaa tiri gahraai

mujh ko haalaat mein uljhaa huaa rahne de yunhi
main tiri zulf nahin huun jo sanvar jaaungaa

koi saughaat-e-vafaa de ke chalaa jaaungaa
tujh ko jiine ki adaa de ke chalaa jaaungaa

har-dam yahi duaa hai khudaa ki janaab mein
aa jaae yaar khud mire khat ke javaab mein

gham-e-dil ab kisi ke bas kaa nahin
kyaa davaa kyaa duaa kare koi

aarzu hasrat tamanna muddaaa koi nahin
jab se tum ho mere dil mein dusraa koi nahin

vo dil hi kyaa tire milne ki jo duaa na kare
main tujh ko bhuul ke zinda rahun khudaa na kare

sohbat mein ghair ki na paDi ho kahin ye khu
dene lagaa hai bosa baghair iltijaa kiye

main ne junun se ki jo 'asad' iltimaas-e-rang
khun-e-jigar mein ek hi ghota diyaa mujhe