zindagi ko 'azaab hone do — Naeem Najmi

zehn jab fikr ke hisaar mein thaa
dil kahaan apne ikhtiyaar mein thaa

raushni saare ghar mein hoti thi
ham ne dekhaa hai laalTain kaa daur

mujh se baatein karo mohabbat ki
taalib-e-'ilm huun main urdu kaa

ek jalte bujhte manzar ke havaale kar diyaa
zindagi tujh ko muqaddar ke havaale kar diyaa

dekhaa mujhe to kahne lage tu ye kis liye
dastak diye baghair mire ghar mein aa gayaa

mere hi jism ke zindaan mein mujhe ai 'najmi'
qaid kar rakkhaa hai khud meri anaa ne mujh ko

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

zindagi is qadar kaThin kyuun hai
aadmi ki bhalaa khataa kyaa hai

jise guzaar gae ham baDe hunar ke saath
vo zindagi thi hamaari hunar na thaa koi