mujh se baatein karo mohabbat ki — Naeem Najmi

zehn jab fikr ke hisaar mein thaa
dil kahaan apne ikhtiyaar mein thaa

zindagi ko 'azaab hone do
husn ko be-naqaab hone do

raushni saare ghar mein hoti thi
ham ne dekhaa hai laalTain kaa daur

ek jalte bujhte manzar ke havaale kar diyaa
zindagi tujh ko muqaddar ke havaale kar diyaa

dekhaa mujhe to kahne lage tu ye kis liye
dastak diye baghair mire ghar mein aa gayaa

mere hi jism ke zindaan mein mujhe ai 'najmi'
qaid kar rakkhaa hai khud meri anaa ne mujh ko

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

aatish-e-ishq vo jahannam hai
jis mein firdaus ke nazaare hain

mushkil-e-ishq mein laazim hai tahammul 'saaqib'
baat bigDi hui banti nahin ghabraane se