jise guzaar gae ham baDe hunar ke saath — Sahar Ansari

ajiib hote hain aadaab-e-rukhsat-e-mahfil
ki vo bhi uTh ke gayaa jis kaa ghar na thaa koi

tang aate bhi nahin kashmakash-e-dahr se log
kyaa tamaashaa hai ki marte bhi nahin zahr se log

mahfil-aaraai hamaari nahin ifraat kaa naam
koi ho yaa ki na ho aap to aae hue hain

ham ko jannat ki fazaa se bhi ziyaada hai aziiz
yahi be-rang si duniyaa yahi be-mehr se log

shikva-e-talkhi-e-haalaat bajaa hai lekin
is pe rotaa huun ki main ne bhi rulaayaa hai tujhe

ye marnaa jiinaa bhi shaayad majburi ki do lahrein hain
kuchh soch ke marnaa chaahaa thaa kuchh soch ke jiinaa chaahaa hai

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar dekhaa kiye marne ki raah
mar gae par dekhiye dikhlaaein kyaa

umr bhar jis ke liye peT se baandhe patthar
ab vo gin gin ke khilaataa hai nivaale mujh ko

ai dost is zamaan-o-makaan ke azaab mein
dushman hai jo kisi ko duaa-e-hayaat de