zindagi is qadar buri bhi nahin — Naheed Virk

kitni viraani hai mere andar
kis qadar teri kami hai mujh mein

reza reza honaa bantaa hai miraa
tum mukammal mere dil par utre ho

kitni khvaahishein dil mein palti hain magar 'naahid'
haath hi naiin aate bhaagte hue lamhe

aur phir dil ne us ko chhoD diyaa
jab ta'alluq bahaal thaa hi nahin

shokh havaaon ke aanchal mein tham tham kar
shaam se hi hain dard puraane yaad aae

shaam ki shaam se sargoshi suni thi ik baar
bas tabhi se tujhe imkaan mein rakkhaa huaa hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vo mire paas se guzre to ye maalum huaa
zindagi yuun bhi dabe paanv guzar jaati hai

khizr se kah do ki aa kar dekh lein aab-e-hayaat
dhoe jaate hain nichoDe jaaeinge gesu-e-dost

rahim o raam ki sumran hai shaikh o hindu ko
dil us ke naam ki raTnaa raTe hai kyaa kiije