shaam ki shaam se sargoshi suni thi ik baar — Naheed Virk

reza reza honaa bantaa hai miraa
tum mukammal mere dil par utre ho

kitni khvaahishein dil mein palti hain magar 'naahid'
haath hi naiin aate bhaagte hue lamhe

zindagi is qadar buri bhi nahin
dekh main muskuraa rahi huun naa

aur phir dil ne us ko chhoD diyaa
jab ta'alluq bahaal thaa hi nahin

shokh havaaon ke aanchal mein tham tham kar
shaam se hi hain dard puraane yaad aae

kitni viraani hai mere andar
kis qadar teri kami hai mujh mein

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ghazal mein jab talak ehsaas ki shiddat na ho shaamil
faqat alfaaz ki kaarigari mahsus hoti hai

maarka garm to ho lene do khun-rezi kaa
pahle shamshir ke niche hamin jaa baiTheinge

phir yaad bahut aaegi zulfon ki ghani shaam
jab dhuup mein saaya koi sar par na milegaa

koThe pe chehra-e-pur-nur dikhaayaa sar-e-shaam
yaar se rajat-e-khurshid kaa ejaaz huaa

munDeron par chhiDak de apne kushton kaa lahu ai gul
ugegaa sabza-e-shamsir divaar-e-gulistaan par