kitni khvaahishein dil mein palti hain magar 'naahid' — Naheed Virk

kitni viraani hai mere andar
kis qadar teri kami hai mujh mein

reza reza honaa bantaa hai miraa
tum mukammal mere dil par utre ho

zindagi is qadar buri bhi nahin
dekh main muskuraa rahi huun naa

aur phir dil ne us ko chhoD diyaa
jab ta'alluq bahaal thaa hi nahin

shokh havaaon ke aanchal mein tham tham kar
shaam se hi hain dard puraane yaad aae

shaam ki shaam se sargoshi suni thi ik baar
bas tabhi se tujhe imkaan mein rakkhaa huaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le

mire rashk-e-be-nihaayat ko na puchh mere dil se
tujhe tujh se bhi chhupaataa agar ikhtiyaar hotaa

misl-e-majnun jo pareshaan hai bayaabaan mein aaj
kyuun dilaa kaun samaayaa hai tire dhyaan mein aaj