reza reza honaa bantaa hai miraa — Naheed Virk

kitni viraani hai mere andar
kis qadar teri kami hai mujh mein

kitni khvaahishein dil mein palti hain magar 'naahid'
haath hi naiin aate bhaagte hue lamhe

zindagi is qadar buri bhi nahin
dekh main muskuraa rahi huun naa

aur phir dil ne us ko chhoD diyaa
jab ta'alluq bahaal thaa hi nahin

shokh havaaon ke aanchal mein tham tham kar
shaam se hi hain dard puraane yaad aae

shaam ki shaam se sargoshi suni thi ik baar
bas tabhi se tujhe imkaan mein rakkhaa huaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

na ab vo shiddat-e-aavaargi na vahshat-e-dil
hamaare naam ki kuchh aur shohratein bhi gaiin

dil ne siine mein kuchh qaraar liyaa
jab tujhe khuub saa pukaar liyaa

apni khuddaari salaamat dil kaa aalam kuchh sahi
jis jagah se uTh chuke hain us jagah phir jaaein kyaa

raat guzre na dard-e-dil Thahre
kuchh to baDh jaae kuchh to ghaT jaae