yuun daad vo dete hain vafaa ki — Naseem Bharat Puri

dil ki shaamat aai jaa kar phans gayaa
yaar ke gesu-e-pur-kham kyaa karein

ye but qismat ke puure haT ke puure dhun ke puure hain
koi in mein se ho vaade kaa puuraa ho nahin saktaa

aap ki mahfil-e-ishrat ko na chhoDaa khaali
main agar aa na sakaa meri shikaayat aai

dil bhalaa aashiqon ke paas kahaan
aap hi chin-chaan lete hain

mai-kade ke qarib ham vaaiz
teri zid se makaan lete hain

tasalliyaan bhi nahin un ki chheD se khaali
rulaa ke chhoDte hain vo hansaa hansaa ke mujhe

haar hi jiit hai aain-e-vafaa ki ru se
ye vo baazi hai jahaan jiit ke haare saare

gumaan kahtaa hai meraa ki ek din mujh par
tiri vafaa tiri chaahat kaa maan barsegaa

tu jafaaon se jo badnaam kiye jaataa hai
yaad aaegi tujhe meri vafaa mere baad

jafaa se unhon ne diyaa dil pe daagh
mukammal vafaa ki sanad ho gai

jafaa ki baatein sadaa banaanaa vafaa ki baatein kabhi na karnaa
khudaa ke ghar mein kami nahin hai kiye mein apne kami na karnaa

'ehsaan' aisaa talkh javaab-e-vafaa milaa
ham is ke baa'd phir koi armaan na kar sake