tu jafaaon se jo badnaam kiye jaataa hai — Fazal Husain Sabir

un ki maanind koi saahab-e-idraak kahaan
jo farishte nahin samjhe vo bashar samjhe hain

'saabir' teraa kalaam sunein kyuun na ahl-e-fan
bandish ajab hai aur ajab bol chaal hai

shagufta baagh-e-sukhan hai hamin se ai 'saabir'
jahaan mein misl-e-nasim-e-bahaar ham bhi hain

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

hijr ke tapte mausam mein bhi dil un se vaabasta hai
ab tak yaad kaa pattaa pattaa Daali se paivasta hai

yunhi buniyaad kaa darja nahin miltaa kisi ko
khaDi ki jaaegi mujh par abhi divaar koi

phir mujhe yaad aaegaa bachpan
ik zamaana gumaan se guzregaa

ek parchhaain tasavvur ki mire saath rahe
main tujhe bhulun magar yaad mujhe tu aae