uf shab-e-hijr ki siyaahi aaj — Nasim Zahid

ye aansu ponchh lijiye aur muskuraaiye
chaara nahin hai koi bhi rukhsat kiye baghair

uf rahbaron mein aisaa koi raahbar nahin
jis ki nigaah zarre mein khurshid DhunD le

main sabr kar rahaa huun to zaalim hai taa'na-zan
us ko khabar nahin ki khudaa mere saath hai

kirdaar rahnumaa kaa mujhe lag rahaa hai yuun
talvaar jaise ho kisi paagal ke haath mein

use daulat kamaane ki havas thi
nazar se ab nazaara ho gai hai

tujh ko hai naaqidin se nafrat
tere kamre mein aaina kyon hai

jhaankte raat ke garebaan se
ham ne sau aaftaab dekhe hain

shor din ko nahin sone detaa
shab ko sannaaTaa jagaa detaa hai

raushni ho rahi hai kuchh mahsus
kyaa shab aakhir tamaam ko pahunchi

bahut hasin raat hai magar tum to so rahe ho
nikal ke kamre se ik nazar chaandni to dekho

kahun ai zauq kyaa haal-e-shab-e-hijr
ki thi ik ik ghaDi sau sau mahine

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai